Ministri I Mbrojtjes Armend Mehaj, ka publikuar disa fotografi mahnitëse të ushtarëve të FSK-së duke u stërvitur. Kjo sipas Mehajt po bëhet në kuafët të fitnesit fizik të pjestarëve të FSK-së.
Postimi i plotë i Mehajt:
Sikur edhe për specializimet tjera, vazhdojmë me shtimin e kuadrove të instruktorëve profesional të fitnesit fizik
Në Qendrën e Stërvitjes Profesionale të Komandës së Doktrinës dhe Stërvitjes (KDS) u trajnuan dhe certifikuan me sukses të lartë, Klasa 2022 e kursantëve për instruktorë të fitnesit fizik.
Edukimi fizik ushtarak në doktrinën tonë përbën një nga aftësitë që duhet të zotërojë çdo ushtarak, së bashku me aftësitë teknike, mendore dhe emocionale.
Fitnesi fizik na mundëson të kemi forcën dhe energjinë e mjaftueshme dhe të domosdoshme për të realizuar detyrat taktiko-operative me sukses të plotë.
“Trupi arrin atë që mendja beson.” – Napoleon Hill /Kosovatimes/
