Kryetari i Lidhjes Demokratike të Kosovës, Lumir Abdixhiku, priti në takim njoftues, ambasadorin francez, z. Olivier Guérot.
Me këtë rast, u bisedua për zhvillimet politike në vend, proceset integruese të Kosovës si dhe për dialogun ndërmjet Republikës së Kosovës dhe Serbisë.
Kryetari Abdixhiku, ka shprehur mirënjohjen dhe falënderimet për kontributin e Francës në procesin e lirisë dhe shtetndërtimit të Kosovës.
Gjatë takimit, kryetari Abdixhiku kërkoi nga Franca që të vazhdoj mbështetjen për Kosovën në rrugën e integrimeve euro-atlantike, në mënyrë të veçantë në procesin e liberalizimit të vizave dhe përkrahjen politike në anëtarësimin e Kosovës në mekanizmat ndërkombëtar.
Kryetari Abdixhiku, përveçse i vlerësoi si të shkëlqyeshme marrëdhëniet mes Kosovës dhe Francës, tha se bashkë me ambasadorin Guérot do të jetë i përkushtuar fuqishëm në thellimin e bashkëpunimit edhe më tutje. /Kosovatimes/
