Kryetari i Partisë Socialiste të Serbisë, Ivica Daçiq, i rikthehet përfundimisht postit të ministrit të Jashtëm.
Kreu i SPS duhet t’i drejtohet së shpejti publikut dhe të njoftojë se kush do të formojë pushtetin e ri ekzekutiv nga koalicioni i tij.
Kujtojmë se Ivica Daçiq e ka mbajtur këtë pozitë në periudhën nga viti 2014 deri në vitin 2020 dhe pas formimit të qeverisë së dytë të Ana Brnabiqit kaloi në postin e kryetarit të Kuvendit të Serbisë.
Në këto rrethana ndërkombëtare, ministrit të ri të Punëve të Jashtme të Serbisë i pret një punë e madhe. Qeveria e Serbisë është në pritje të vendimeve të rëndësishme për çështjen e Kosovës dhe Metohisë dhe marrëdhëniet me Rusinë dhe Bashkimin Evropian. Nuk duhet harruar se Daçiq, në cilësinë e tij si kryeministër, nënshkroi Marrëveshjen e Brukselit me Prishtinën në prill të vitit 2013, e cila parasheh formimin e Bashkimit të Komunave Serbe, Policisë së Kosovës, integrimin e autoriteteve gjyqësore, arritjen e një marrëveshje për telekomunikacionin dhe energjinë, dhe se dy palët nuk do të bllokojnë njëra-tjetrën në integrimin evropian. Nuk ka dyshim se edhe në këtë qeveri e presin marrëveshje të reja.
Pavarësisht se Daçiqit etiketohet si “njeri rus”, në Perëndim ka një lloj vlerësimi kur bëhet fjalë për konstruktivitetin e Daçiqit. Daçiq kishte komunikim shumë të mirë me përfaqësuesen e lartë të BE-së për politikë të jashtme, Catherine Ashton, gjatë mandatit të së cilës u nënshkrua Marrëveshja e Brukselit. Nga qarqet diplomatike po vijnë sinjale se Eshton mund të përfshihet edhe një herë në dialogun ndërmjet Beogradit dhe Prishtinës, tashmë në ekipin e të dërguarit special të BE-së për dialogun ndërmjet Beogradit dhe Prishtinës, Miroslav Lajçak.
Në qarqet diplomatike, Daçiq ka kredibilitet më të madh si në Lindje ashtu edhe në Perëndim në krahasim me SNS dhe shefin e mëparshëm të diplomacisë, Nikola Selakoviq. Dhe megjithëse ai konsiderohet një politikan pro-rus në Serbi, Daçiç u takua me ambasadorin amerikan Christopher Hill pas zgjedhjeve, vetëm një muaj pas mbërritjes së tij në Beograd.
