Të hënën, policia norvegjeze arrestoi një burrë të dyshuar si spiun rus në qytetin arktik të Tromsø, njoftoi sot televizioni publik NRK , duke cituar shërbimin norvegjez të sigurisë PST.
Burri, i cili punonte si shkencëtar në Universitetin e Tromsø, u paraqit si një shtetas brazilian, por policia beson se ai është në të vërtetë një shtetas rus. Ai është një “kërcënim për interesat themelore kombëtare” dhe duhet të dëbohet nga Norvegjia, tha zëvendësdrejtori i PST Hedvig Moe. Ai ka qenë në vend që nga viti 2021 dhe besohet nga shërbimi sekret se ka punuar fshehurazi për inteligjencën ruse, sipas zyrtarëve të inteligjencës norvegjeze.
