Komisioni për Mbikëqyrjen e Financave Publike shqyrton Raportin e Auditimit për pasqyrat vjetore financiare të MAShTI-t, ku e ftuar është ministrja Arbërie Nagavci.
Mes të gjeturave nga auditori përmendet Universiteti i Prizrenit, me ç’rast, nuk ka paraqitur fare pasuri kapitale.
Gjithashtu, përmendet edhe 142 mijë euro pagesa për komunitetin serb, të cilët nuk kanë shkuar fare në punë.
Mes të gjeturave janë edhe subvencionimi i dy organizata joqeveritare, që nuk i kanë plotësuar kushtet.
Ndër të tjera, në 15 pagesa, 401 mijë euro mall për shërbime, një projekt që përfshin shumën mbi 1 milion euro, ka pasur vonesa.
E gjetur tjetër është procedura, vlerësimi në 3 shkolla, vonesa në mosformimin e komisionit, zgjatje të kontratave kornizë, dy raste në kontrata të shkurta në pajisje industriale për pajisje të sportit, janë paguar 9 mijë euro paraprakisht.
Megjithatë, auditori gjeti se ka pasur progres në zbatim të rekomandimeve.
Lidhur me këto të gjetura, ministrja Nagavci në pikat e evidentuara sqaroi se: “kemi rezultuar me 11 rekomandime, është përgjysmuar nga viti paraprak, kemi arritur që 15 rekomandime t’i zbatojmë nga viti paraprak. Jemi më mirë në secilin vit, që nga 2017.”
Tutje, ministrja Nagavci shtoi se nga çështjet e adresuara nuk varen krejtësisht nga MAShTI.
“Çështja e keqklasifikimit të buxhetit për shkak të kufizimit, janë klasifikuar në linja të tjera”, tha Nagavci.
“Për shkak të mosfunksionimit të e- pasuria, ka shkaktuar problem në mes të palëve”.
Sa i përket çështjes për 32 zyrtarët serbë, ministrja deklaroi se është një traditë me vite e lejuar në MAShTI.
“I kemi larguar nga lista e pagesave dhe kemi nënshkruar marrëveshje të mirëkuptimit. Kemi raporte, tashmë, të përmuajshme të angazhimit të tyre”.
Te gjetjet, ajo tha se do të sigurohet dhe ka kërkuar të bëhen analiza të mirëfillta.
“Te pasuritë kapitale dhe jokapitale janë adresuar në ministri. Tek dy organizata joqeveritare rregullorja nuk parasheh dorëzimin e disa dokumenteve që nuk parashihet të jenë domosdoshmërisht”.
“Janë OJQ për kategori të e margjinalizuara. Pagesat do të realizohen sipas procedurave ligjore, e vonesa ka pasur për çështje teknike”, tha ministrja Nagavci, para Komisionit.
“Vlerësimi i tenderëve, po ashtu, për çështje teknike dhe pranimi i punëve në shkolla, vendosja e disa pajisjeve, të cilat janë instaluar, për shkak të specifikave janë tërhequr dhe mjetet janë kthyer”.
