Bashkimi i Sindikatave të Pavarura të Kosovës dhe Aleanca për Ardhmërinë e Kosovës pajtohen që Ligji i Pagave të miratohet brenda këtij viti.
Ky qëndrim i përbashkët ka dal pas takimit që deputetë të AAK-së kanë zhvilluar me përfaqësues të BSPK-së.
Pas takimi të zhvilluar në një deklarim për media kreu i BSPK-së, Atdhe Hykolli, tha se kërkojnë që sa më shpejtë të miratohet Ligji i Pagave dhe ai për Zyrtarët Publik.
Hykolli tha se me deputetët e AAK-së diskutuan edhe për qëndrimet e kësaj sindikate lidhur me këto Ligje.
“Kërkuam nga AAK që në bazë të kompetencave të tyre të insistojnë që sa më shpejtë të bëhet miratimi i këtyre ligje”, tha ai, raporton teve1.info.
Ndërsa, shefi i GP të AAK-së, Besnik Tahiri tha se Ligji për Paga duhet të miratohet në dhjetor dhe të hyjë në fuqi në janar të vitit 2023.
“Ligji i Pagave duhet të kalojë këtë vitit dhe të hyjë në fuqi në janar të vitin 2023”,tha ai.
Tahiri tha se kanë diskutuar edhe çështjen e koeficientit për pagat.
Sa i përket Ligjit për Zyrtarët Publik ai tha se qëllimi i tij është kapja e shtetit dhe e 1600 pozitave të nivelit të lartë me qëllimin që të jenë në shërbim të politikës. Tahiri tha se ky Ligj është anti-Kushtetues.
Gjatë ditës deputetët e AAK-së kanë takuar edhe krerët e SBASHK-ut.
