Këtë të hënë, Komisioni për Ekonomi ka miratuar Projektligjin për masat e përkohshme të produkteve themelore, në raste të veçanta të destabilizimit në treg
Të hënën e shtatë nëntorit, Komisioni parlamentar për Ekonomi ka miratuar Projektligjin me katër amendamente shtesë nga Zyra e Bashkimit Evropian, për masat e përkohshme të produkteve themelore në raste të veçanta të destabilizimit në treg.
Projektligji i miratuar për vendosjen e çmimeve tavan në produktet themelore është miratuar në parim në seancën e fundit të Kuvendit të Kosovë.
Po ashtu, është caktuar që të shqyrtohet në lexim të dytë me procedura të përshpejtuara, në një seancë të re më 8 nëntor.
Deputetja nga Vetëvendosje, Mimoza Kusari-Lila, ka thënë se ky projektligj është përmbajtësor dhe esencial. Ndërsa, deputeti nga AAK, Pal Lekaj, është shprehur se ky projektligj është kundër kushtetutës.
Komisioni parlamentar për Ekonomi ka miratuar projektligjin për vendosjen e çmimeve tavan në produktet themelore pa votat e opozitës. /Kosovatimes/
