Policia së Kosovës përmes një njoftimi bën të ditur se ka pranuar një informacion për djegien, vënien e zjarrit ndaj një veture me targa RKS, pronë e viktimës femër kosovare e komunitetit serb, me banim në komunën e Zveçanit.
Lidhur me ketë rast, Policia e Kosovës nuk raporton për ndonjë person të lënduar, përveç dëmeve materiale të shkaktuara nga vënia e zjarrit në automjet.
“Policia e Kosovës ka ndërmarr veprimet e nevojshme operativo hetimore”, shkruan në komunikatë.
Policia e Kosovës deklaron se do të kujdeset në ofrimin e sigurisë ndaj qytetarëve pa dallime, në ruajtjen e rendit dhe qetësisë publike si dhe zbulimin e akteve të tilla kriminale.
Deri më tash kanë ndodhur disa raste të tilla dhe ende policia nuk ka njoftuar për ndonjë person të arrestuar.
