Presidenti amerikan Joe Biden komentoi vendimin e Rusisë për të tërhequr trupat në Ukrainë në bregun e majtë të Dnieper dhe për të lënë qytetin e Kherson.
Sipas Biden, ky vendim është dëshmi e “problemeve serioze” me të cilat përballet ushtria ruse. Presidenti i Shteteve të Bashkuara të Amerikës e quajti interesant edhe faktin që u shpall menjëherë pas zgjedhjeve afatmesme për Kongresin Amerikan.
Biden shtoi se tërheqja ruse mund t’i lejojë palët në konflikt në Ukrainë të marrin frymë dhe të mendojnë për “ripërcaktimin e pozicioneve” gjatë dimrit. Ai sqaroi se varet vetëm nga Ukraina nëse ajo do të jetë e gatshme për “kompromis” me Rusinë, por shtoi se Shtetet e Bashkuara do të vazhdojnë të mbështesin Ukrainën në çdo rast, dhe kushtet për një zgjidhje paqësore të konfliktit varen nga Kievi. /Kosovatimes/
