Kryetari i Aleancës Kosovare të Bizneseve, Agim Shahini, me bashkëpunëtorë, ka qëndruar sot në Ferizaj, ku u mbajt Kuvendi i VIII Zgjedhor në regjionin e Ferizaj.
Me këtë rast, Shahini falënderoj pjesëmarrjen e mbi 50 bizneseve të Ferizajt në këtë kuvend zgjedhor që të bëhen pjesë e vendimmarrjes të AKB-së.
“Falënderoj të gjithë që më punën dhe kontributin e juaj e keni mbajt dhe fuqizuar AKB për plotë 20 vite. E sotmja është në duart tona dhe atë do ta ndërtojmë së bashku. Kështu siç jemi edhe në këtë kuvend zgjedhor”, tha Shahini.
Ai i ftoj të gjithë, përfshirë strukturave të reja që të plotësojmë njëri-tjetrin aty ku munden, e së bashku të punojnë për zhvillimin ekonomikë në Republikën e Kosovës.
Koordinatori i degës, Nexhat Hasani, i përshëndeti të pranishmit dhe njëherësh i falënderoj për mbështetjen e vazhdueshme në mbështetje të AKB dhe atë si kryetar i degës.
“Jemi munduar të japim kontribut në mbështetje të prodhueseve, bizneseve, investitorëve dhe në zhvillimin ekonomik lokal dhe nivel qendror”, tha Hasani.
Sylejman Neziri, në fjalë rasti i përshëndeti mysafirët, kryetarin Shahini dhe gjithë të pranishmit.
“I përgëzoj për punën, projektet, iniciativat dhe panairet qe i organizoni. Jeni shembull për të mirë në zhvillimin ekonomik, promovimin e prodhimeve vendore e mbi gjitha ne stimulimin e punësimit”, tha Neziri.
Pastaj Kryetari i degës Nexhat Hasani, i hapi punimet e kuvendit të VIII zgjedhor konformë statutit të AKB.
Delegatët në mënyrë unanime zgjedhën koordinator të degës, Bujar Terstena, më mandat 4 vjeçar, ndërsa zv koordinator u zgjodh, Mërgim Ademi. U votuan edhe kryesia e degës dhe 16 delegatët për në nivelin qendror zgjedhor të AKB-së: Bujar Terstena, Nexhat Hasani, Mërgim Ademi, Ramadan Gashi, Bylbyl Lubishtani, Fatmir Kuqi, Driton Ismajli, Sedat Berisha, Sylejman Neziri, Albin Ymeri, Nebih Jashari, Naser Palloshi, Zef Simoni, Agim Tahiri, Ekrem Ramiqi dhe Danish Lala.
Kryetari i zgjedhur Bujar Terstena, i falënderoi përzemërsisht për besimin që ta udhëheqë AKB në nivel regjional.
“Këtë nuk po e marr si privilegj, por si obligim, sepse na presin shumë punë dhe angazhime të përbashkëta në të mirë të biznesit dhe zhvillimit ekonomik. Ju uroj, sinqerisht të gjithëve që jeni ulur në këtë sallë, shëndet të mirë, suksese në gjithçka që secili prej jush ka në këtë jetë! Na priftë e mbara dhe takohemi në aktivitetet e radhës”, tha Terstena. /Kosovatimes/
