Venecia e ka vonuar planin e saj për të futur biletat e vizitorëve sepse këshilli i qytetit nuk e ka miratuar ende plotësisht procesin e ri të biletave, sipas zëdhënësit të kryebashkiakut Luigi Brugnaro.
Zyrtarët e turizmit thanë në korrik se vizitorët do të duhet të rezervojnë vizitën e tyre në qytet në internet nga 16 janari 2023 dhe të paguajnë nga tre deri në 10 euro për të hyrë, në një përpjekje për të kontrolluar hyrjen në qytet.
Megjithatë, zëdhënësi i kryetarit tha se këshilli i qytetit nuk kishte miratuar ende rregulloret e nevojshme, që do të thotë se data e fillimit do të duhej të shtyhej prapa. Procesi do të zgjasë të paktën gjashtë muaj, shtoi ai.
Plani, i cili u prezantua për herë të parë në vitin 2019, fillimisht u vonua për shkak të Covid-19, raporton N1 .
Megjithatë, këtë vit u rikthye fluksi i turistëve drejt Venecias dhe duke qenë se numri i vizitorëve shpesh i kalon 50 mijë banorët e qendrës së qytetit, që vërshuan rrugët e ngushta, mbledhja e biletave ditore është sërish në axhendën e kryebashkiakut.
