Kryeministri konservator i Britanisë, Rishi Sunak, ka shpërthyer përballë kreut të diplomacisë ruse, Sergej Lavrov, në kuadër të samitit të G20 që po mbahet në Bali të Indonezisë këtë vit.
Sipas gazetës britanike “Daily Mail”, për herë të parë një kryeministër britanik përballet me një zyrtar të lartë të Kremlinit që nga fillimi i luftës në Ukrainë dhe Sunak ka shfrytëzuar rastin. Ai i shpjegoi Sergei Lavrov se “regjimi i Putinit” e ka kthyer Rusinë në një “pari” ndërkombëtar, duke theksuar se qeveria e Londrës do të mbështesë Ukrainën “për aq kohë sa të jetë e nevojshme”.
“Është e mrekullueshme që Vladimir Putin vendosi të mos marrë pjesë personalisht në samit ”, nënvizoi Rishi Sunak dhe shtoi: Vendet nuk duhet të pushtojnë fqinjët e tyre, ata nuk duhet të sulmojnë civilët dhe nuk duhet të kërcënojnë se do të përdorin armë bërthamore.
Vetëm disa orë para se të sulmonte verbalisht Sergei Lavrov, si përfaqësues i vendit të tij në G20, pasi Putin zgjodhi të mos merrte pjesë, kryeministri kanadez Justin Trudeau u kap në kamera duke shijuar një birrë me homologun e tij britanik. Dy politikanët patën mundësinë të shkëmbejnë mendimet e tyre në kafenenë e njohur Bali “Bumbu Bali Arts Cafe”.
