Ekonomia ruse ka rënë në recesion. Prodhimi i brendshëm bruto u ul me katër për qind në tremujorin e tretë, sipas vlerësimit të parë të aktivitetit ekonomik nga zyra ruse e statistikave Rosstat. Ekonomia ra me rreth katër për qind në tremujorin e dytë.
Sipas agjencisë franceze të lajmeve AFP, tkurrja e ekonomisë ruse në tremujorin e tretë ishte më e vogël nga sa kishin parashikuar analistët. Ata vlerësojnë se rënia do të jetë 4.5 për qind.
Rënia më e madhe, 22,6 për qind, është shënuar në tregtinë me shumicë, ndërsa tregtia me pakicë ka rënë me 9,1 për qind. Nga ana tjetër, ndërtimi u rrit me 6.7 për qind, ndërsa sektori i bujqësisë shënoi rritje prej 6.2 për qind.
Në muajt e parë të vitit, ekonomia ruse shënoi rritje ekonomike prej 3.5 për qind dhe pas sulmit ndaj Ukrainës, shumë vende perëndimore vendosën sanksione ekonomike ndaj Rusisë.
Banka Qendrore Ruse njoftoi më 8 nëntor se PBB-ja e Rusisë do të bjerë me 3.5 për qind këtë vit. Fondi Monetar Ndërkombëtar dhe Banka Botërore parashikojnë një tkurrje 3.4 dhe 4.5% të ekonomisë ruse.
