Dje, në dy raste të ndara janë arrestuar dy persona për dhunë në familje në Ferizaj.
Siç njofton Policia në raportin 24-orësh, të dielen, rreth orës 19:00, kanë pranuar një informacion se në fshatin Talinovc të Muhaxherëve të Ferizajt është një rast i dhunës në familje, ku një burë kishte sulmuar gruan e tij.
“Në lidhje me këtë policia e stacionit në Ferizaj, konkretisht Njësia e Dhunës në Familje menjëherë i kanë marrë veprimet e nevojshme, kanë dalë në vendin e ngjarjes dhe kanë arrestuar personin B.M i moshës 33 vjeçare, i cili si shkak i një mosmarrëveshje në familje e kishte sulmuar bashkëshorten e tij D.M e moshës 32 vjeçare, duke i shkaktuar lëndime trupore, e cila më pas kishte pranuar tretman mjekësor”, thuhet në njoftim.
Ndërsa, rreth orës 21:00 është raportuar një rast tjetër të dhunës në familje në rrugën “Safet Berisha “ në Ferizaj.
Sektori Rajonal i Dhunës në Familje menjëherë i kanë marrë veprimet e nevojshme, kanë dalë në vendin e ngjarjes dhe kanë arrestuar personin I.T i moshës 25 vjeçare, i cili si shkak i një mosmarrëveshje, i kishte shkaktuar dhunë fizike dhe psikike motrës së tij S.T e moshës 28 vjeçare”, shkruan në njoftim.
Policia të dyshuarit, në të dy rastet i ka shoqëruar në stacionin e policisë në Ferizaj dhe pas intervistimit nga policët hetues të dhunës në familje, me vendim të prokurorit nga Prokuroria Themelore në Ferizaj, të njëjtit janë dërguar në mbajtje për 48 orë, për procedura të mëtejme hetimore.
