Minxhozi: Dy kuvendet e qeveritë bashkohen me 27 nëntor në Tiranë

Më 27 nëntor, të dy kuvendet dhe qeveritë, ajo e Shqipërisë dhe ajo e Kosovës, do të takohen në Tiranë, për të mbajtur një mbledhje solemne për të përkujtuar 110-vjetorin e Pavarësisë së Shqipërisë. Këtë e ka bërë të ditur në një intervistë për Radio Kosovën, ambasadori i Shqipërisë në Prishtinë, Qemal Minxhozi. Ai ka folur për marrëveshjet ndërmjet dy vendeve, procesin e Berlinit dhe Ballkanin e Hapur, si dhe për shumë çështje të tjera.”Më 27 nëntor, të dy kuvendet dhe qeveritë, e Shqipërisë dhe e Kosovës, do të takohen në Tiranë, për të mbajtur një mbledhje solemne për të përkujtuar 110-vjetorin e Pavarësisë së Shqipërisë. Kjo është hera e parë që organizohet, detajet ende nuk janë dhënë, por ajo që është e rëndësishme që një vendim i cili u mor ndërmjet dy qeverive, po gjen zbatim sot”, tha ai per Radio Kosoven.