Faqja e internetit e Parlamentit Evropian u hakua sot pasi e shpalli Rusinë një sponsor shtetëror të terrorizmit lidhur me sulmet ruse ndaj civilëve ukrainas dhe infrastrukturës energjetike të vendit, duke lënë miliona ukrainas në rrezik të ngrirjes këtë dimër.“Uebsajtet e Parlamentit Evropian aktualisht nuk janë të disponueshme për shkak të niveleve të larta të trafikut të rrjetit të jashtëm. Është trafiku që është pasojë e një sulmi DDOS (Distributed Denial of Service)”, njoftoi në Twitter Jamie Dutch, zëdhënës i Parlamentit Evropian.
Roberta Metsola, presidentja e Parlamentit Evropian, gjithashtu komentoi shkurt sulmin e hakerëve, duke thënë se një grup pro-Kremlinit mori përgjegjësinë për sulmin.
“Përgjigja ime: Lavdi Ukrainës”, shtoi Metsola.
Kujtojmë se Parlamenti Europian e shpalli Rusinë “shtet që sponsorizon terrorizmin”.
Në një votim kryesisht simbolik, eurodeputetët argumentuan se sulmet ushtarake ruse ndaj objektivave civile si infrastruktura energjetike, spitalet, shkollat dhe strehimoret shkelin ligjin ndërkombëtar.
The @Europarl_EN is under a sophisticated cyberattack. A pro-Kremlin group has claimed responsibility.
Our IT experts are pushing back against it & protecting our systems.
This, after we proclaimed Russia as a State-sponsor of terrorism.
My response: #SlavaUkraini
— Roberta Metsola (@EP_President) November 23, 2022
