Deputetja e Lëvizjes Vetëvendosje, Fjola Ujkani, ka thënë se opozita në Kosovë duhet ta mbështesë kryeministrin Aljbin Kurti për çështjen e targave, sepse sipas saj, Qeveria vetëm po tenton ta shtrijë sovranitetin në gjithë territorin e Kosovës. ”.
Ajo ka treguar për KTV-në se serbëve në Kosovë u është ofruar bashkëpunim dhe ndihmë.
“Ne në vazhdimësi u kemi ofruar bashkëpunim serbëve në Kosovë, u kemi ofruar ndihmë dhe gatishmëri për të qenë me ta. Policia gjithmonë e shtrin punën e saj në të gjithë territorin e Kosovës. Por në të njëjtën kohë kemi kritika dhe propagandë nga vetë vendi ynë. Liderët e opozitës duhet të jenë me kryeministrin Kurti. Ata duhet ta mbështesin atë. Përballë Serbisë duhet të jemi bashkë”, tha Ujkani.
Ujkani beson se nuk duhet të ketë vonesa sa i përket targave. Siç vlerësoi ajo, Serbia nuk është e interesuar për arritjen e një marrëveshjeje përfundimtare, ndaj fokusi i liderëve serbë është te targat.
“Serbia nuk është e gatshme të shkojë drejt normalizimit të marrëdhënieve,” tha ajo.
