Gjykata Kushtetuese gjermane konfirmoi vendimin për të zbuluar emrat e të gjitha kompanive që morën pjesë në përfundimin e gazsjellësit Nord Stream 2, njoftoi Fondacioni Mecklenburg-Vorpommern për Mbrojtjen e Klimës dhe Mjedisit.
“Për fat të keq, Gjykata Kushtetuese Federale nuk i ka mbështetur vërejtjet tona lidhur me rastin. Është shumë zhgënjyese. Pavarësisht qëndrimit tonë të vendosur, tani duhet të zbulojmë emrat e shumë kompanive nga Mecklenburg-Vorpommern. Këto kompani janë të pafajshme dhe kanë vepruar brenda ligjit. Ata i besuan parlamentit dhe qeverisë rajonale, e cila u premtoi mbrojtje nga sanksionet amerikane”, tha fondacioni.
Organizata tha se këto kompani ka të ngjarë të përballen me “kritikë publike dhe vështirësi ekonomike” si rezultat i vendimit. Padia është ngritur më herët nga gazetat gjermane Bild dhe Welt. Të dy janë pjesë e Holding mediatik Axel Springer. MV Climate and Environmental Foundation u krijua në Mecklenburg-Vorpommern më 19 janar 2021, me pjesëmarrjen e Nord Stream 2 AG. Ndër qëllimet e deklaruara është “promovimi i vazhdimit të projektit të gazsjellësit Rrjedha e Veriut 2”. Një numër politikanësh gjermanë, kryesisht nga partia e Gjelbër, kanë kritikuar organizatën, duke akuzuar autoritetet rajonale të Mecklenburg-Vorpommern për promovimin e interesave të Moskës dhe Gazprom.
