Ministrja e Punëve të Jashtme e Republikës së Kosovës, Donika Gervalla , ka kritikuar pjesëmarrjen e ministrit të Punëve të Jashtme të Serbisë, Ivica Daçiq, në Konferencën për Parandalimin e Dhunës Seksuale në Luftëra, që po mbahet sot dhe nesër në Londër.
Ajo e përshkroi Daçiqin si një nga ” arkitektët kryesorë të gjenocidit në Baklanin Perëndimor, veçanërisht në BeH dhe Kosovë” .
Ajo i pyeti organizatorët se çfarë kuptimi kishte që Daçiq të fliste në një konferencë të tillë.
“Ai ishte krahu i djathtë i Slobodn Millosheviqit nga viti 1992 deri në vitin 2000”, kujton Gervalla.
Ndaj këtij informacioni ka reaguar deputetja britanike Alicia Kearns . Ajo tha përmes llogarisë së saj në Twitter se prania e tij në kongresin e përmendur ishte “e bërë keq” dhe “gabim”.
“Gjatë regjimit të Millosheviçit, më shumë se 25,000 gra muslimane u përdhunuan në krime të industrializuara të luftës seksuale në kampet e përdhunimeve. ‘Mali Sloba’, e cila është pseudonimi i Ivica Daçiç, kurrë nuk kërkoi falje për krimet seksuale të luftës të regjimit, propaganduesi i të cilit ishte. “tha parlamentarja Kearns.
This was badly done, and wrong.
Milošević's regime saw the rape of 25,000+ Muslim women with industrialised sexual war crimes in rape camps.
'Little Sloba', Ivica Dacic's nickname, has never apologised for the sexual war crimes of the regime he was the propagandist for. https://t.co/VQ9nq50fCb
— Alicia Kearns MP (@aliciakearns) November 28, 2022
