Ne shohim që negociatat ndërmjet Beogradit dhe Prishtinës po dështojnë, sepse Departamenti i Shtetit po negocion me evropianët, dhe kur i lini ata të udhëheqin – ju merrni shumë fjalë dhe pak veprime, tha ish i dërguari special për dialog në administratën Trump, Richard Grenell, për RTS. Ai thekson se është e nevojshme që “udhëheqësit amerikanë të udhëheqin” dhe se ata kanë besimin e të dyja palëve. Për Aljbin Kurtin thotë se i hedh poshtë të gjitha idetë dhe se nuk i bën dobi.
“Ndoshta mund t’i kushtojmë një emision të tërë, është e pabesueshme. Shiko, mendoj se ne e dimë që Kurti thjesht nuk është i dobishëm në këtë situatë. “Kam folur me të dhe ai është dikush që nuk i ka pëlqyer kurrë asnjë ide”, tha Grenell.
Ai ka shtuar se Kurti ka refuzuar çdo ide që i kanë ofruar amerikanët.
Tani ai hedh poshtë edhe idetë e ofruara nga evropianët”. Edhe administrata Biden duhet ta kritikojë atë. Unë gjithashtu mendoj se ai nuk i shërben popullit të tij. Nuk ndihmon në këtë situatë. Na mungon Thaçi këto ditë”, tha Grenell për RTS.
I pyetur nëse mendon se ka negociatorë më të mirë në anën e Prishtinës, Grenell përgjigjet se nuk dëshiron të flasë për emra, por tha se publikisht e ka mbeshtetur Hashim Thaçin.
“Mendoj se ai e kuptoi se duhej të leshonte për të ecur përpara”. Është shumë e shëmtuar ajo që i bënë evropianët”, ka thënë Grenell, duke shprehur pakënaqësinë e tij për faktin se Thaçi është sjellë në Gjykatën Speciale në Hagë.
