Politikanja nga Kosova dhe kryetare e Lëvizjes Evropiane të Serbëve nga Kosova, Rada Trajkoviq ka folur pasi presidenti i Serbisë, Aleksandar Vuçiq, me rastin e emërimit të Nenad Rashiqit ministër në Qeverinë e Kosovës.“Ai emëroi 28 ministra të Qeverisë së Serbisë sipas dëshirës së tij, por pikërisht për shkak të atij një ministri në Qeverinë e Kosovës që nuk e ka zgjedhur dhe të cilin nuk e kontrollon – histeri e plotë”, ka shkruar Trajkoviq në Twitter.Kujtojmë se presidenti i Serbisë ka reaguar ndaj vendimit të djeshëm të kryeministrit të Kosovës, Aljbin Kurti për të emëruar Nenad Rashiqin në postin e ministrit për Komunitete dhe Kthim në Qeverinë e Kosovës.
Vuçiq me atë rast e ka quajtur Rada Trajkoviqin “llum serb nga fundi i vaskës”, ndërsa Kurtit i është vënë epiteti “llum terrorist”. Ai e quajti të turpshëm reagimin e BE-së për emërimin e Rashiqit.
Para kësaj, zëdhënësi i Përfaqësuesit të Lartë për Politikë të Jashtme, Peter Stano, i bëri thirrje Serbisë dhe Kosovës që të punojnë në përputhje me marrëveshjet detyruese për dialogun, si dhe për kthimin e menjëhershëm të serbëve të Kosovës në të gjitha institucionet e Kosovës.
Kryeministrja Ana Brnabiq ka reaguar ndaj deklaratës së Stanit. Ajo deklaroi se “ky lloj reagimi është turp për Bashkimin Evropian” dhe se emërimi i Nenad Rashiqit jo vetëm që është në kundërshtim me Marrëveshjen e Brukselit, por edhe në kundërshtim me vullnetin e popullit të shprehur në zgjedhje.
Lista Serbe sonte ka njoftuar se mbështet dhe përkrah plotësisht çdo fjalë të thënë nga presidenti Aleksandar Vuçiq, i cili, siç deklaruan, ekspozoi në mënyrën më të mirë qëndrimin hipokrit të bashkësisë ndërkombëtare ndaj popullit serb në Kosovë dhe ndaj shtetit të Serbisë. .
Odredio 28 ministara Vlade Srbije po svojoj volji i želji, ali baš zbog tog jednog ministra u Vladi Kosova koga nije izabrao i koga ne kontroliše – potpuna histerija.
— Rada Trajkovic (@trajkovic_rada) December 1, 2022
