Një nga lideret e opozitës bjelloruse, Maria Kolesnikova, e cila përfundoi në terapi intensive, pas një operacioni u transferua nga spitali në burg, ku po vuan dënimin me 11 vjet. Kjo u raportua në kanalin telegram të selisë së Viktor Babariko .
Babait të opozitares Aleksandër Kolesnikov iu lejua një takim 10-minutësh me vajzën e tij. “Ajo është gjallë. Masha ka humbur peshë, ajo ende ka pak forcë, “thotë kanali. Raporti konfirmon gjithashtu diagnozën që shkaktoi shtrimin e saj urgjent në spital – një ulçerë e shpuar.
Tani Kolesnikova ndodhet në spitalin mjekësor të burgut në Gomel, ku do të qëndrojë edhe për të paktën dhjetë ditë të tjera nën mbikëqyrjen e mjekëve.
Më 5 dhjetor, kanalet telegrame pro-qeveritare bjelloruse qarkulluan një foto të Kolesnikova me babanë e saj në dhomën e spitalit – ajo buzëqesh në të./Kosovatimes/
