Kryetari i Degës së Dytë të LDK-së, njëherësh Drejtori i Inspekcionit në komunën e Prishtinës, Florian Dushi, tha se mbajtja e zgjedhjeve të lira e demokratike është treguesi më i fuqishëm i lirisë, pavarësisë, sovranitetit e integritetit shtetëror.
Ai në një postim në facebook tha se Republika e Kosovës ka mbajtur referendumin për pavarësi e më pas zgjedhje në të cilat ka zgjedhur presidentin, Dr. Ibrahim Rugova dhe parlamentin e saj edhe në kushte tejet të rënda të okupimit fashist serb.
“Sot, ata që ndër vite çireshin mbi sovranitetin e integritetin, madje edhe në raport me aleatët tonë (SHBA e BE) u tërhoqën si zvarranik përballë një grusht kriminelësh në veriun e Republikës së Kosovës. Ku mbeti sovraniteti, integriteti e rendi kushtetues?!?”, pyet ai. /Kosovatimes/
