Sipas Radio Dresdenit, sulmuesi (40), i cili aktualisht po mban disa njerëz pengje në një qendër tregtare në Dresden, vrau nënën e tij (62) mëngjesin e sotëm.
Një ambulancë ka gjetur të vdekur një grua 62-vjeçare në një pallat në lagjen Prochlis të Dresdenit, shkruan Radio Dresden.
Më pas ai ka ikur në drejtim të radiostacionit “Radio Dresden”, ku ka qëlluar në derën e hyrjes kryesore, por nuk ka arritur të hyjë në objekt.
Kreu i radiostacionit tha për Bild se punonjësit arritën të arratiseshin në vend të sigurt.
Sulmuesi i armatosur është arratisur me makinë në drejtim të qendrës së qytetit pas mbërritjes së policisë. Aty ai ka hyrë në qendrën tregtare dhe dyshohet se po mban peng persona në bodrumin e farmacisë.
Policia ka evakuuar pjesën tjetër të qendrës tregtare në qytetin e Dresdenit, ndërsa në të gjithë qytetin ka një numër të madh patrullash policore.
Para qendrës tregtare ka një kordon policor, ndërsa mediat raportojnë se në qendrën tregtare ka një prezencë të madhe policore, ku një zonë e madhe është e rrethuar.
