Kryeministrja serbe Ana Bërnabiq ka reaguar ndaj deklaratës së kryediplomatit evropian Josep Borrell i cili tha se “ grupet serbe duhet të heqin menjëherë barrikadat”.
Bërnabiq ka thënë se “me sa duket Quinti së bashku me përfaqësuesin e lartë të BE-së Borrellin thonë se barrikadat në veri të Kosovës duhet të hiqen sepse janë të paligjshme”.
“Interesante, ata nuk janë aq të zëshëm për paligjshmërinë e arrestimit të serbëve, për shembull Dejan Pantiqit, i cili u arrestua dje pa asnjë provë, apo kur policia e Kosovës shkel marrëveshjen e Brukselit duke hyrë të armatosur në komunat me shumicë serbe në veri me pushkë/tyta të gjata. Ata njerëz në barrikada shprehin qartë protestën e tyre dhe e bëjnë në mënyrë paqësore. E vetmja mënyrë me të cilën mund të dëgjohen, për fat të keq, është në barrikada”, ka shkruar ajo në rrjetet sociale.
http://199.192.21.43/2022/12/11/borrelli-be-nuk-do-te-toleroje-sulmet-ndaj-eulex-it-serbet-ti-heqin-barrikadat/?fbclid=IwAR2tJaL8IVvPW3ZFQv9U-jbddglOO3SuvdU15C6dB9GPXG2a0WPiTx8cnLA
