Udhëheqësi rus Vladimir Putin rrezikon të humbasë mbështetjen e disa ish-udhëheqësve dhe veteranëve në Donbass, për shkak të dështimit të Rusisë për të shtyrë forcat ukrainase në perëndim të Donetskut , tha Instituti për Studimin e Luftës (ISW) në raportin e tij të fundit.
Igor Girkin , një ish-agjent i FSB-së ruse dhe një figurë kyçe në fillimin e pushtimit rus të Ukrainës, ndihmoi në kapjen e Slavyanskut, në rajonin e Donetskut, në vitin 2014, i beri thirrje Putinit për dështimin te shtyp forcat ukrainase jashtë rrezes së artilerisë të qytetit të Donetsk raporton ISW. Girkin kritikoi gjithashtu deklaratën e Putinit të 9 dhjetorit se lufta e Rusisë në Ukrainë ishte “e qëndrueshme”.
Një bloger i njohur ushtarak rus ka akuzuar ushtrinë ruse se ka dështuar në mbrojtjen e qytetit , pavarësisht se nuk e ka pasur të vështirë ta bëjë këtë gjatë tetë viteve të fundit të luftës në Ukrainën lindore, sipas ISW.
Së fundmi, më 9 dhjetor, u raportuan shpërthime në Donetsk. Përfaqësuesit rusë në qytetin e pushtuar pohuan se qendra e qytetit u granatua dhe disa ndërtesa u dëmtuan. Ukraina nuk ka komentuar mbi shpërthimet.
Rusia pushtoi qytetin e Donetskut në vitin 2014 dhe fitoi kontrollin mbi të gjithë rajonet lindore të Donetskut dhe Luganskut, një nga objektivat kryesore të luftës së saj në Ukrainë.
