Sipas informatave të KMDLNj – së, dje me datë 13.12.2022, rreth orës 12:40 në Qendrën e Paraburgimit në Gjilan është vetvarur një i paraburgosur, B. H. i lindur më 1980. Ai ishte pranuar Q.P në Gjilan më 09.12.2022 dhe sipas raporteve shëndetësore ishte përdorues dhe kishte varësi të drogës.
Gjithashtu, KMDLNj informohet se B.H në vazhdimësi ka marrë terapinë dhe nuk ka shfaqur asnjë shenjë të rrezikut për vetëvrasje. Ditën e djeshme, ka marrë terapinë e mëngjesit dhe sipas infermieres në detyrë nuk ka shfaqur asnjë shenjë apo sjellje të dyshimtë. Pasi që kanë marrë njoftimin për rastin, stafi mjekësor së bashku me atë korrektues, në ndërkohë në mbështetje kanë ardhur edhe Emergjenca e qytetit por nuk kanë arritur që ta kthejnë në jetë.
KMDLNj riperserit kërkesen që në kuadër të institucioneve mbajtëse të SHKK të funksionalizohet një njësi spitalore për raste të tilla për faktin se në Institutin e Forenzikes Psikiatrike janë vetëm 12 vende per SHKK e që as përsëafërmi nuk i plotëson nevojat. Numri i të privuarve nga liria që kërkojnë mbikëqyrje është i madh ndërsa kapacitetet mbikëqyrëse janë në shpërputhje me nevojat andaj KMDLNj nuk e sheh se bëhet ndonjë zgjidhje me suspendimin dhe largimin nga puna e zyrtarëve të SHKK -së. Duhet të rriten kapacitetet mbikëqyrëse dhe stafi i nevojshëm për këtë kategori të të burgosurve që duhet të mbikëqyren tërë kohën ose vetëm pjesërisht. SHKK aktualusht ka nevojë për rritje të stafit korrektues dhe të atij shëndetësor në të kundërtën, në vend të merret me parandalimin e këtyre e rasteve, do të merret me pasoja.
KMDLNj i shpreh ngushëllime familjes së të ndjerit. /Kosovatimes/
