Sot do të zhvillohet ndeshja për vendin e tretë në Kampionatin Botëror në mes të Kroacisë dhe Marokut.
Ndeshja që fillon në ora 16:00, do të luhet në stadiumin “Khalifa International Stadium”.
Kroacia u eliminua nga Argjentina në gjysmëfinale dhe nuk ia doli që të kalonte në finale, por që sot do të luftojë për vendin e tretë.
Në anën tjetër, Maroku u mposht 2-0 nga Franca, po ashtu në gjysmëfinale, por që ishte befasia më e bukur e këtij kampionati.
Padyshim se do të jetë një përballje e zjarrtë mes të dyja vendeve, që do të synojnë vendin e tretë në këtë turne.
Kroacia është si nënkampion në fuqi, që nga Botërori i vitit 2018 i mbajtur në Rusi, ndërsa Maroku do të synojë të futet në librat e historisë së futbollit Afrika, si kombëtarja e parë që ka arritur deri në vendin e tretë.
