Republika e Kosovës muajin e kaluar ka fituar arbitrazhin ndërkombëtar ndaj institucionit financiar IUTE Credit.
Guvernatori i Bankës Qendrore të Republikës së Kosovës, Fehmi Mehmeti, ka folur në RTK, për rastin e fundit të fituar ndaj IUTE Credit.
Sipas këtij kjo fitore tregon BQK-ja ka qenë e sigurt në marrjen e vendimeve që sipas tij kanë qenë në harmoni me ligjin për këtë rast dhe për të gjitha vendimet që janë nxjerrë nga organet e BQK-së.
Mehmeti vlerësoi se vendimet që i ka marrë BQK-ja rrisin sigurinë e investitorëve vendor dhe të huaj.
“Ky është një mesazh për të gjithë investitorët e huaj të cilët punojnë dhe veprojnë në Kosovë dhe ata të cilët janë të interesuar për të ardhur dhe investuar këtu se në Kosovë respektohet ligjshmëria “, tha ai.
Sipas tij sektori bankar në vend është njëra ndër storiet e sukseseve sa i përket investimeve të huaja direkte. “E kemi proklamuar sa herë që prej 12 bankave që veprojnë në Kosovë, 10 janë m kapita të huaj,që janë mbi 90 % e kapitalit total të aseteve, ngjashëm e kemi edhe tek sektori i sigurimeve ku mbi 50 % janë kapital të huaj, po ashtu edhe tek institucionet financiare janë mbi 50 me kapital të huaj”, tha ai.
Për më shumë ndiqeni intervistën e plotë të Guvernatori i Bankës Qendrore të Republikës së Kosovës, Fehmi Mehmeti dhënë për emisionin ‘Ekonomiks”
