Kur filluan spekulimet në prill se ministri rus i Mbrojtjes Sergei Shoigu kishte pësuar një atak në zemër, ne kohen që ishte në ilegalitet mediatik për dy javë, Kremlini i mohoi me forcë këto akuza dhe Shoigu shpejt u shfaq në publik sikur të mos kishte ndodhur asgjë.
Megjithatë, një video që u shfaq dje në publik mund të shërbejë si provë se këto pretendime nuk ishin të rreme.
Pra, Shoigu është parë duke çaluar nëpër një sallë në Bjellorusi të hënën. Ai iu bashkua Putinit në Minsk dje, ku presidenti rus bëri vizitën e tij të parë në tre vjet me aleatin e tij të ngushtë, udhëheqësin bjellorus Alexander Lukashenko.
Për këtë arsye mediat perëndimore spekulojnë se ky mund të jetë një konfirmim i informacionit të muajit mars, sipas të cilit Shoigu ka pësuar një atak në zemër. Gjatë asaj periudhe, ai nuk u shfaq në publik për dy javë. Perëndimi, si dhe pala ukrainase, ngritën gjithnjë e më shumë pyetjen – ku u zhduk Shoigu?
Shoigu arrived in Minsk limping and hiding his right hand.
«Slightly wounded»? pic.twitter.com/4dbiRgdkYk
— Anton Gerashchenko (@Gerashchenko_en) December 19, 2022
Edhe presidenti ukrainas Volodymyr Zelensky tha në një nga fjalimet e tij të rregullta në Facebook: “Thonë se ministri i Mbrojtjes i Rusisë është zhdukur diku”.
Jo shumë kohë më vonë, pati një pretendim se Shoigu kishte një atak në zemër, i publikuar nga Anton Gerashchenko , një këshilltar i presidentit ukrainas.
– Shoigu pati një atak në zemër. Për shkak të kësaj, ai nuk është shfaqur në publik që nga mesi i marsit. Ai pësoi një atak në zemër pas një debati me Putinin për dështimin e plotë të pushtimit të Ukrainës. Tani ai është në rehabilitim në Spitalin Kryesor Ushtarak NN Burdenka – deklaroi Gerashchenko në Facebook.
Leonid Nevzlin , i njohur si armiku i Putinit, tha se Shoigu është në kujdes intensiv, i lidhur me aparate.
Në fillim të këtij viti, pati pretendime se Shoigu ishte lënë mënjanë nga Putini dhe se ushtarët e tij vazhdimisht talleshin me të.
