BOOST x Kosovo, një program përshpejtues që promovon tranzicionin e gjelbër, shpalli fituesit e granteve të edicionit të parë të programit BOOST në Kosovë. Programi synon të ndihmojë bizneset të trajtojnë sfidat globale si pandemitë dhe ndryshimet klimatike, dhe të ndërtojnë qëndrueshmëri duke përqafuar praktika të afatgjata të gjelbra.
Secilit nga të pesëmbëdhjetë të shpërblyerit do t’u jepen 20,000 Euro për të zhvilluar zgjidhje inovative që promovojnë praktika të biznesit që janë të qëndrueshme, efikase dhe qarkore për rritje të gjelbër dhe të qëndrueshme – nga teknologjitë e menaxhimit të mbetjeve në bujqësi dhe prodhimin e ushqimit, deri tek prodhimtaria ekologjike dhe e gjelbër, tek aplikacionet e parkimit inteligjent, tek zvogëlimi i numrit të mallrave të kthyera në blerjet online duke përdorur Inteligjencën Artificiale, e deri në prodhimin digjital të modës për të zgjidhur mbikonsumin dhe mbiprodhimin.
Programi BOOST x Kosova filloi në mesin e shtatorit 2022 për të ofruar mundësi për ndërmarrjet e vogla dhe të mesme (NVM) dhe për të promovuar një rritje më të gjelbër në sektorin privat në Kosovë. Gjithsej 50 ndërmarrje të vogla dhe të mesme nga e gjithë Kosova janë përzgjedhur për të marrë pjesë në edicionin e parë.
Gjatë programit të përshpejtimit që zgjati tre muaj, 50 NVM patën mundësinë të thellojnë të kuptuarit dhe aftësitë e tyre përmes punëtorive dhe sesioneve individuale të mentorimit mbi udhëheqjen, biznesin dhe transformimin e gjelbër. Programi përbëhej nga katër module trajnimi: Matja e Ndikimit dhe Menaxhimi; Përshpejtimi i Biznesit të Sipërmarrjes; Transformimi i Gjelbër; dhe Transformimi Teknik dhe Digjital; dhe prezantimeve frymëzuese “Tokyo Talks” me sipërmarrës të suksesshëm dhe liderë globalë nga Japonia.
NVM-të e mëposhtme janë përfituesit e edicionit të parë të BOOST x Kosovo:
BOTANIC shpk, Bee Park LLC, Kosovo Glass Recycling, Hana Zeqa SH.P.K, Enchele sh.p.k, Greenergy, Bio365Kosova, GoBeyond, Smart Park LLC, PNC LLC, Eco Solution Research LLC, Masar Tocani b.i, Elea IT SH.P.K, Boronica e Sharrit, SUPERXPLORERS.
UNDP dhe partnerët dëshirojnë të përgëzojnë të gjithë të diplomuarit për përfundimin me sukses të programit përshpejtues BOOST x Kosovo. /Kosovatimes/
