Numri i forcave të armatosura ruse duhet të rritet në 1.5 milion njerëz, tha të mërkurën, duke folur në kolegjiumin e Ministrisë së Mbrojtjes, kreu i departamentit, Sergei Shoigu.
Sipas tij, nevojitet një rekrutim shtesë në ushtri “për të garantuar zgjidhjen e detyrave për të garantuar sigurinë ushtarake të Federatës Ruse”.
Për momentin, ushtria ruse ka 1,01 milion personel ushtarak dhe duhet të rritet në 1,15 milion nga 1 janari, në përputhje me një dekret që Presidenti Vladimir Putin nënshkroi në fund të gushtit.
Pra, rekrutimi i ri në ushtri do të jetë rreth 350 mijë njerëz. Në të njëjtën kohë, 695 mijë ushtarë nga numri i shtuar i Forcave të Armatosura, sipas Shoigut, duhet të jenë ushtarë me kontratë.
Ministria e Mbrojtjes ka nevojë për forca shtesë në lidhje me “dëshirën e NATO-s për të ndërtuar potencialin ushtarak pranë kufijve rusë”, si dhe për të përfshirë Suedinë dhe Finlandën në përbërjen e saj, tha Shoigu
Për më tepër, krijimi i formacioneve të reja dhe riorganizimi i formacioneve ushtarake ekzistuese duhet të kryhet në rajonet Kherson dhe Zaporozhye, si dhe në trupat bregdetare të Marinës, tha Shoigu.
Për të krijuar një rezervë artilerie në drejtimet strategjike, do te formohen 5 divizione artilerie të rretheve ushtarake dhe brigadave të artilerisë me kapacitet të lartë, si dhe formohen gjithashtu 3 drejtori të divizioneve të aviacionit, 8 regjimente të aviacionit bombardues, 1 regjiment të aviacionit luftarak, 6 brigada të aviacionit të ushtrisë.
Kufiri i moshës për t’u rekrutuar në ushtri, sipas ministrit, duhet të rritet në 30 vjeç, dhe kufiri i poshtëm të rritet nga 18 në 21 vjeç. Në të njëjtën kohë, Ministria e Mbrojtjes synon të legalizojë praktikën e thirrjes për shërbim “një ditë”. Një mundësi e tillë duhet të ofrohet “me kërkesë të qytetarëve”, tha Shoigu.
