Presidenti i Serbisë , Aleksandar Vuçiq , gjate nje vizite pune dyditore në Azerbajxhan, ka folur per zhvillimet ne dhe rreth Serbise. “Nuk jam i kënaqur me mënyrën se si funksionojnë të gjitha fabrikat tona të industrisë ushtarake. Situata jonë, ushtria dhe sistemi ynë i mbrojtjes është 10 deri në 15 herë më i fortë se sa ishte vetëm 10 vjet më parë ”, tha Vuçiq.
“Situata jonë dhe ushtria jonë është dhjetë deri në pesëmbëdhjetë herë më e fortë”, tha Vuçiq. Vuçiq ka komentuar edhe lajmin se Turqia do ta armatosë Kosovën me drone Bayraktar , raporton B92.
“ Ky nuk është as lajm i lehtë dhe as i mirë për ne. Kjo do të ndikojë në marrëdhëniet tona, edhe pse ne e respektojmë shumë presidentin Erdogan”, tha Vuçiq. Ai tha se shpreson se Serbia së shpejti do të mund të mburret me një numër të konsiderueshëm të dronëve kamikaze dhe avionëve të tjerë. “Pa të, ata do të na kishin gëlltitur si një mace dhe një mi. Ne jemi pak më të mëdhenj për t’u gëlltitur tani. Zoti Rode është i njohur për deklaratat e tij antiserbe”, tha Vuçiq. Ai ka komentuar edhe njoftimin e përfaqësueses gjermane në Prishtinë se barrikadat në Kosovë duhet të hiqen deri në Krishtlindje. Ai ka shpjeguar se sa i përket kërkesës së KFOR-it për kthimin e forcave serbe, kanë filluar të marrin përgjigje nga politikanët, e jo nga KFOR-i.
Do të kishte më pak tension
“Tensionet do të ishin shumë më të vogla nëse forcat tona do të ishin në Jarinje dhe Bërnjak. Gjermania dëshiron dominim të plotë në Ballkan”, tha Vuçiq. “Pse i përmendni viktimat? E dini, si në shfaqjen e Çehovit në aktin e parë kur sheh një armë të varur në mur, nuk ka dyshim se arma do të shkrep. E njëjta gjë këtu ”, tha Vuçiq.
Siç ishte paralajmëruar, presidenti i Serbisë nesër do të takohet fillimisht me ministrin e Industrisë së Mbrojtjes të Azerbajxhanit, Madat Guliyev. Pas kësaj, ai pritet të takohet me presidentin Ilham Aliyev në Pallatin Presidencial.
