Forcat ruse duket se kanë rrëzuar helikopterin e tyre Ka-52 që ishte përfshirë në luftimet në Ukrainë, shkruan Defence Blog .
Grupi ukrainas i monitorimit të armëve OSINT raportoi se forcat anti-ajrore ruse rrëzuan një helikopter sulmues Ka-52 Alligator në zonën e Zaporizhzhia.
“Një helikopter sulmues rus Ka-52 (RF-91335) u rrëzua nga një reakte ruse Pancir-S1 në një zjarr miqësor në rajonin e Zaporizhzhya,” tha grupi të mërkurën.
Nën lajmet, ka komente të shumta që tallen me gatishmërinë ushtarake të Rusisë: “Tani më në fund ka filluar denazifikimi!”, shkruan njëri.
Mediat ruse raportuan se ekuipazhi i helikopterit i mbijetoi përplasjes.
Sipas faqes së monitorimit të inteligjencës holandeze Oryx, Rusia deri më tani ka humbur të paktën 28 helikopterë sulmues Ka-52 Alligator që nga fillimi i pushtimit të Ukrainës më 24 shkurt.
Rusia ka konfirmuar humbjen e 25 për qind të numrit të përgjithshëm të helikopterëve Ka-52, tha Ministria Britanike e Mbrojtjes.
