Kryeministrja e Serbisë Ana Brnabiq, është vetëm një nga ndjekësit e regjimit autokratik të Aleksandër Vuçiqit, prandaj ajo është pjesë e problemit, jo pjesë e zgjidhjes në asnjë fushë, edhe kur bëhet fjalë për situatën në Kosovë tha për Danas Dragan Popoviq, drejtor i Qendrës për politikë praktike.
Ana Brnabiq ka deklaruar se situata në Kosovë është “në prag të konfliktit të armatosur”. Ajo i ka bërë thirrje sektorit civil që të reagojë për shkak të kërcënimit ndaj qytetarëve të veriut të Kosovës – serbëve – dhe për gjithë këtë rast fajësoi ekskluzivisht autoritetin e Albin Kuritit, kryeministrit të Kosovës.
” Deklarata e saj është një shfaqje mjerane për votuesit e saj, ku ajo i kujton edhe një herë se regjimi mbron interesat kombëtare, siç i shohin ata, dhe organizatat e të drejtave të njeriut janë tradhtarë. Nuk ka zgjidhje për Kosovën përderisa në Serbi është në pushtet një regjim autokratik, sepse ai gjithmonë do të përpiqet ta mbajë gjallë krizën, në mënyrë që herë pas here të prodhojë konflikte dhe të mobilizojë njerëzit e frikësuar më lehtë për agjendën e saj politike”- thotë Popoviq.
