Një delegacion i lartë i AKB-së, i bizneseve të Shqipërisë dhe të Kosovës vizituan kryetarin e Bashkisë së Lezhës, Pjerin Ndreu, i cili mirëpriti këta përfaqësues të bizneseve dhe theksoi se, bashkia jonë është një nga vendet më të vizituara nga kosovarët.
“Mbi 65% janë kosovarë dhe rreth 40% kanë pronat e veta në plazhet tona dhe kjo është fal gatishmërisë së qeverisjes lokale për të mirëpritur investitorët më procedura të thjeshtësuara dhe të shpejta për licenca dhe lejeve ndërtimi”, tha Ndreu.
“Unë jam i lidhur emocionalisht me Kosovën dhe kjo i bënë Kosovarët dhe investitorët më të sigurt dhe presim që vitin e ardhshëm vetëm nga një biznes i Kosovës të investohen mbi 50 milionë euro në një objekt turistik”, tha ai.
Nderu tha se, Lezha për veç turizmit e ka të zhvilluar edhe sektorin e agrobiznesit sidomos gastronomin Bio.
Me këtë rast Kryetari i AKB-së, Agim Shahini, tha se, kjo vizitë realizohet në kuadër të Javëve të Biznesit që ka traditë 20 vjeçare me moto: Unë Konsumoj produkte Vendore, Po Ju?
“Besojmë se në pranverën e hershme të vitit të ardhshëm të organizojmë edhe me ju dhe bizneset dhe shoqatat turistike të restoranteve dhe bujtinave si dhe shoqatat të tjera, të organizojmë aktivitete të shumta me qëllim të ngritjes së vetëdijes kombëtare për konsum të prodhimeve mbarëshqiptare me moto: 100% shqip”, tha Shahini.
Kujtim Dervishi, kryetar i Shoqata e Restoranteve Turistike dhe bujtinave shqiptare e falënderoi kryetarin e bashkisë për mirëpritjen e bizneseve nga Kosova dhe Shqipëria.
“Ne do të jemi në funksionon tuaj dhe të iniciativës së AKB-së për të realizuar këtë projekt mbarë shqiptarë”, tha Dervishi. /Kosovatimes/
