Një numër i madh personash kanë marrë pjesë në edicionin e shtatë të mini-maratonës humanitare “Vrapo Babadimër”, e cila organizohet çdo dhjetor në Prishtinë.
Qëllimi kryesor i kësaj ngjarjeje është rritja e donacioneve për t’i ndihmuar familjet e varfra në Kosovë me rastin e festave të fundvitit.
Fëmijët në rroba të Babadimrit, duke vrapuar në mini-maratonën “Vrapo Babadimër” në Prishtinë.
Një burrë e mbanë në krahë një vajzë të vogël të veshur në rrobat e babadimrit.
Fëmijët dhe të rritur duke vrapuar në shesh. Në prapavijë janë kryetari i Prishtinës, Përparim Rama me bashkëshorten e tij.
Për t’u bërë pjesë e kësaj ngjarjeje, është nevojitur blerja e kostumeve të babadimrit, me qëllim që paratë të shkojnë për familjet në nevojë.
“Vrapo Babadimër” ishte i hapur për të gjithë pa dallime, të rritur dhe fëmijë, por edhe për persona me nevoja të veçanta.
Shumë qytetarë kanë marrë pjesë në ngjarjen e përvitshme, “Vrapo Babadimër”.
Iniciativa humanitare “Vrapo Babadimër”, është mbajtur të dielën nga ora 12:00 në Prishtinë.
