Qeveria e Zvicrës ka reaguar për situatën në veri të Kosovës, ku ende disa rrugë po mbahen të bllokuara si mpasojë e barrikadave të vendosura nga serbët lokalë.
Qeveria e Zvicrës i ka bërë thirrje Kosovës dhe Serbisë që të përmbahen nga çdo veprim që mund të përshkallëzojë situatën.
Në reagimin zyrtar thuhet se prania e KFOR-it dhe EULEX-it janë thelbësore për ruajtjen e rendit dhe sigurisë në veri.
“ I bëjmë thirrje edhe një herë të gjitha palëve të interesuara që të përmbahen nga çdo veprim që mund të përshkallëzojë më tej situatën. KFOR-i dhe EULEX-i janë thelbësore për ruajtjen e rendit dhe sigurisë për komunitetet lokale në veri të Kosovës”, thuhet në reagimin e Qeverisë së Zvicrës, të publikuar në rrjetin social në “Twitter.
