Ambasadori gjerman në Kosovë, Jorn Rohde e ka dënuar sulmin e djeshëm ndaj një ekipi televiziv në Zupç të Zubin Potokut nga persona të maskuar.
Përmes një postimi në “Twitter”, Rohde ka kërkuar që mediat të lihen të lira ta kryejnë punën e tyre.
“Ambasada gjermane në Prishtinë dënon ashpër edhe një herë dhunën ndaj gazetarëve. Mediat duhet të lejohen të punojnë lirshëm dhe pa frikë nga dhuna. I uroj ekipit televiziv të Klan Kosovës shërim të shpejtë”, ka shkruar Rohde.
Nga sulmi me gurë nga persona të maskuar kanë mbetur të lënduar dy punonjës të këtij mediumi.
The German Embassy in Pristina strongly condemns, once again, violence against journalists. Media must be allowed to work freely and without fear of violence. We wish @klankosova_tv TV crew a speedy recovery. https://t.co/OIUGOuVFoq
— Ambassador Jörn Rohde (@GermanAmbKOS) December 27, 2022
