Kremlini hodhi poshtë sot planin e paqes prej dhjetë pikash të presidentit ukrainas Volodymyr Zelensky, duke argumentuar se propozimet për t’i dhënë fund konfliktit në Ukrainë duhet të marrin parasysh atë që ai e quan “realiteti i sotëm” – katër rajone ukrainase që i janë bashkuar Rusisë.
“Nuk mund të ketë një plan paqeje për Ukrainën që nuk merr parasysh realitetin e sotëm në lidhje me territorin rus, me hyrjen e katër rajoneve në Rusi. Planet që nuk e marrin parasysh këtë realitet nuk mund të jenë plane paqeje,” tha zëdhënësi i Kremlinit Dmitry Peskov transmeton Fena.
Presidenti Zelenski promovoi planin e tij të paqes me dhjetë pika, të cilin e shpalli për herë të parë në nëntor, duke e diskutuar atë me Presidentin e SHBA Joe Biden, ndër të tjera, dhe duke u bërë thirrje liderëve botërorë që të mbajnë një samit global të paqes bazuar në të.
Plani parashikon tërheqjen e trupave ruse nga territori i njohur ndërkombëtarisht i Ukrainës, që do të thotë se Rusia do të heqë dorë nga katër rajonet që aneksoi, si dhe nga Krimea, të cilën e kapi në vitin 2014.
