Ambasadori i Gjermanisë në Kosovë, Jorn Rohde, ka falënderuar Kosovën për strehimin e pesë gazetarëve nga Afganistani.
Rohde përmes një postimi në Twitter ka thënë se kjo vepër u përkrah edhe nga Gjermania.
“E falënderojmë Ministrinë e Punëve të Jashtme të Kosovës për ofrim të strehimit në Kosovë për pesë gazetarë nga Afganistani me përkrahje të Gjermanisë në bashkëpunim me organizatat partnere AGK dhe ECPMF”, ka shkruar Rohde.
Ambasadori po ashtu thotë se ky veprim paraqet kontribut për sigurinë e gazetarëve dhe lirinë e shtypit.
“Mbështetje kuptimplote për mbrojtjen e lirisë së shtypit, kontribut i prekshëm për sigurinë e gazetarëve dhe përkushtim i qartë ndaj vlerave tona të përbashkëta. Mirënjohës për këtë bashkëpunim të rëndësishëm në kohë sfiduese. Kosova ka ofruar strehim edhe për gazetarët nga Ukraina”, ka shkruar Rohde.
We thank @MFAKOSOVO for offering shelter in 🇽🇰 to five journalists from Afghanistan with the support of 🇩🇪 in cooperation with partner organizations @ECPMF and @AGK_AJK.
— Ambassador Jörn Rohde (@GermanAmbKOS) December 29, 2022
