Ish-kryeministri i Kosovës, Avdullah Hoti, ka reaguar pas vendimit të sotëm të Qeverisë për ndarjen e 17.5 milionë eurove për KOSTT-in.
Përmes një postimi në Facebook, Hoti ka theksuar se kjo shumë e parave shkon për borxhin që KOSTT-i e ka ndaj Rrjetit Evropian për furnizimin e komunave në veri.
“Vite me radhë shanin për të njëjtën gjë. Për dijeni, këto mjete janë të projekteve kapitale që nuk janë realizuar. Zgjedhjet në veri i shtynë për prill, vendimin për tabela e shtynë pa afat, të arrestuarin për terrorizëm e liruan”, ka shkruar ndër të tjera Hoti.
