Ambasadori amerikan në Kosovë, Jeff Hovenier, tha se ndihet i nderuar që peshkopi Teodosije e kishte ftuar të merr pjesë në liturgjinë e Krishtlindjeve të mëngjesit të sotëm.
Ai, në një postim në Twitter, tha se gjithashtu janë “mirënjohës që autoritetet reaguan shpejt dhe arrestuan të dyshuarin”.
“I nderuar që peshkopi Teodosije më ftoi të merrja pjesë në liturgjinë e Krishtlindjeve të mëngjesit të sotëm. Gjithashtu shpreha shqetësimin tonë për incidentin ku u qëlluan me armë zjarri 2 persona në Shtërpcë. Ne e dënojmë atë akt dhe jemi mirënjohës që autoritetet reaguan shpejt dhe arrestuan një të dyshuar”, shkruan ambasadori Hovenier në Twiter.
