Emisari i ShBA-së për Ballkanin Perëndimor, Gabriel Escobar, si dhe i Përfaqësuesi i Posaçëm i BE-së në dialogun Kosovë-Serbi, Miroslav Lajçak, të hënën do të zhvillojnë një takim në selinë qendrore të NATO-s, në Bruksel.
NATO, përmes një komunikate, bën të ditur se Escobar dhe Lajçak do të priten nga Zëvendës Sekretari i Përgjithshëm i NATO-s, Mircea Geoana. Ata pritet të zhvillojnë edhe një takim tjetër jozyrtar në Këshillin e Atlantikut të Veriut. Qëllimi i kësaj vizite nuk është bërë i ditur ende
“Të hënën më 9 janar 2023, Zëvendës Sekretari i Përgjithshëm i NATO-s, z. Mircea Geoana do të takohet me Z. Gabriel Escobar, Zëvendës Ndihmës Sekretarin e ShBA-së dhe Z. Miroslav Lajçak, Përfaqësues i Posaçëm i BE-së për Dialogun Beograd-Prishtinë dhe çështje të tjera rajonale të Ballkanit Perëndimor. Z. Escobar dhe z. Lajçak do të marrin pjesë gjithashtu në një takim jozyrtar të Këshillit të Atlantikut Verior”, thuhet në komunikatën e NATO-s. /Kosovatimes/
