Administrata Biden i ka bërë thirrje qeverisë italiane që të sigurojë sisteme shtesë të mbrojtjes ajrore për Ukrainën sa më shpejt të jetë e mundur.
Jake Sullivan, një këshilltar amerikan për sigurinë kombëtare, i tha këshilltarit diplomatik të kryeministrit italian Francesco Talo se nevojitet mbështetje shtesë, shkruan Skynews.
Dje, administrata Biden njoftoi më shumë se 3.75 miliardë dollarë ndihmë ushtarake për Ukrainën dhe vendet e prekura nga pushtimi rus.
Gazeta italiane La Repubblica tha se Talo dënoi pushtimin rus në bisedën e tij me Sullivan – dhe konfirmoi gatishmërinë për të ofruar ndihmë shtesë.
Burimet thanë se kjo kishte të bënte veçanërisht me “mbështetjen për stabilitetin energjetik të Ukrainës dhe pajisjet ushtarake”.
U shtua se Uashingtoni i kishte kërkuar Romës në mënyrë specifike që të furnizonte Ukrainën me sistemin kompleks të mbrojtjes ajrore italiano-franceze SAMP/T.
