Anëtarja e LDK Hykmete, Bajrami, ka kritikuar punën e qeverisë duke i quajtur si manipulues kryeministrin dhe ministren e drejtësisë.
“Paradite Kryeministri jep statistika se sa persona ka arrestua Qeveria Kurti, ndërsa tani në “Debat Plus”, ku ministrja e Drejtësisë po përballet me fakte për dështime, po thotë se përgjegjësia është e Prokurorisë, gjykatave, Policisë, Inspektoratit etj etj…
Këta mendojnë që qeverisja është “zgjedh e merr”. Nuk mundesh me u lavdërua paradite për disa veprime të Policisë e pasdite kur flitet për dështime të tyre me thënë se Qeveria nuk është përgjegjëse është kompetencë e Policisë. Po manipuloni ama mos mendoni se nuk vëreni. Po hyni në vitin e tretë të qeverisjes dhe numëroni vetëm dështime. I keni zhgënjyer edhe përkrahësit më të mëdhenj që kanë ardhur nga të katër anët e botës dhe ju kanë votuar”, tha ajo. /Kosovatimes/
