Ish anëtarja e VV e më pas e PSDK-së, Shqipe Pantina, ka vendosur që karrierën e saj politike ta vazhdojë në LDK.
Ajo përmes një postimi në profilin e saj njoftoi për ftesën që i bëri kryetari Lumir Abdixhiku që të bëhet pjesë e Lidhjes Demokratike të Kosovës.
“Angazhimi im në politikë çdoherë ka pas synim gjetjen e zgjidhjeve për problemet me të cilat përballet vendi ynë, andaj edhe e kam pranuar ketë ftesë dhe kam vendosur të i kthehem sërish politikës aktive”, tha ajo.
Madje ajo ka vlerësuar lart LDK e cila siç theksoi është bërë adresë ku shumë veprimtarë politikë, të reja e të rinj që duan të kontribuojnë për një të ardhme më të mirë për vendin, familjen dhe veten e tyre, po i bashkohen kësaj partie.
“Jam shumë e lumtur të bëhem pjesë e këtij grupi dhe shpresoj qe më përvojën time profesionale dhe politike të ndihmoj në hartimin e platformës programore që orientim ka zhvillimin e vendit dhe mirëqenien e qytetarëve. Na priftë e mbara!”, shkruan ajo. /Kosovatimes/
