Një nga reklamat më të pazakonta për pronat e paluajtshme është publikuar nga agjencia Group Accommodation dhe po ofrojnë me qira një fshat të tërë në Itali.
Më saktë, i gjithë fshati mesjetar në Italinë qendrore – Petritoli, mund të bëhet i yti për 1500 euro. Fshati mund të presë nga 50 deri në 200 njerëz, kështu që nëse bëni llogaritë, ju duhen 7.5 euro për person.
Një portë e shekullit të 15-të ju pret në hyrje të qytetit.
Brenda kalasë ka dy pishina të jashtme me tarraca dielli që ofrojnë një pamje panoramike të të gjithë zonës.
Përveç kalasë, mysafirët mund të qëndrojnë në vetë fshatin në shtëpitë simpatike tradicionale.
Mysafirët mund të vizitojnë teatrin, shtypshkronjën Fabijani të shekullit të 18-të, manastirin e shekullit të 17-të, disa piceri, parqe dhe bodrume vere.
Manastiri delle Clarisse, i cili është selia e bashkisë, dhe kisha e afërt e Shën Kiarës janë ndërtuar midis shekujve 16 dhe 17. Bashkia strehon gjithashtu dy ekspozita të përhershme: njëra ka të bëjë me Luftën e Dytë Botërore dhe tjetra është një koleksion vizatimesh për fëmijë nga e gjithë bota./Kosovatimes/
