Shkruan: Naza KRASNIQI
Prej ditës kur Qeveria miratoi dhe procedoi në Kuvend Ligjin për Paga e deri më sot po dëgjoj shumë “analist dhe ekspert” që po japin mendime sa i përket vlerës monetare të koeficientit se nuk mundet të jetë më ë vogël se 132€, me arsyetim se qeveria ka propozuar pagën minimale me vlerë prej 264€ e logjikisht ashtu duhet të jetë, por koeficienti me i ulët sipas Ligjit për Paga është koeficienti 2 (dy) për kadet dhe kur e llogarisim koeficientin 2+2 me 132+132=264€, nga kjo del se më e vogël se paga minimale nuk mund të paguhet askush.
Prandaj para prononcimeve rreth temave të ndryshme që kanë të bëjnë me jetën publike paraprakisht të studiohet dhe të lexohet projekt dokumenti apo projekt ligji e jo të prononcohet “hamendje”. sepse Ligji për Paga përveç shtojcave për nivelet e koeficienteve përbëhet edhe prej 46 neneve, dhe kur e shikojmë nenin 9 paragrafin 2 e kuptojmë se vlera e koeficientit mundet të jetë edhe më e vogël se 132€, pa e shkelur pagën minimale të propozuar nga qeveria 264€. Duke ju referuar nenit 9 paragrafi 2.2, citohet se pavarësisht vlerës monetare të koeficientit, në rast se paga bazë është më e vogël se paga minimale, paga bazë vlerësohet të jetë sa paga minimale.
Nga paragrafi i cituar është e kuptueshme dhe e qartë se qeveria e ka përshkruar me vetëdije dhe me një llogaritje të thjeshtë këtë paragraf për mos me qenë peng i pagës minimale d.m.th se qeveria e mbulon pjesën e koeficientit minimal që është përcaktuar shtojcën e Ligjit për paga. Me koeficient 2 pretendohet të janë vetëm kadetët nga policia, gardianët, doganierët cilët në momentin e pranimit në punë ju duhet të ndjekin trajnime disa mujor, e pas përfundimit të trajnimeve përkatëse kthehen në koeficientin 5. Andaj, brenda vitit munden me qenë diku 1,000 kadet në vit që pranohen dhe trajnohen në sektorët e lartpërmendur, nëse e llogarisim pjesën e diferencës mes pagës minimale dhe koeficientit 2 të kadetëve shuma që duhet të paguaj qeveria mundet të jetë përafërsisht 30,000.00€ në muaj për mbulimin e diferencës në mes pagës minimale dhe pagës bazë.
Nëse nuk e kishte paraparë paragrafi i 2 i nenit 9 të Ligjit për Paga atëherë qeveria do të ishte detyruar që vlera e koeficientit të jetë deri ne 132€, e që do ti kushtonte buxheti disa milion euro shtesë ose pagën minimale të propozuar nga vetë Qeveria prej 264€ të ulë në 240 €, ose në vlerën e koeficienti të përmendur edhe nga vet qeveritarët që do jetë 120€ aty diku.
Nga kjo dua të them se Qeveria e ka menduar mirë se si do ja dal me koeficientin minimal 2 karshi pagës minimale.
