Edhe pse restoranti po mbyllet, filozofia e tij gastronomike vazhdon. Nga viti 2025, Noma do të shndërrohet në një kuzhinë testimi kushtuar inovacioneve ushqimore, zhvillimit të shijeve dhe produkteve të reja.
Restoranti i njohur danez Noma nga shefi i kuzhinës Rene Rexhepi po mbyll dyert e tij për mysafirët në dimrin e 2024. Kjo shtëpi e kuzhinës moderne nordike nga Kopenhaga me tre yje Michelin ka mbajtur pesë herë titullin prestigjioz të restorantit më të mirë në botë – në 2010, 2011, 2012, 2014 dhe 2021, shkruan Gardian, transmetojne mediet kroate.
Në 15 vitet e fundit, shefi i kuzhinës dhe bashkëpronar i saj ka revolucionarizuar kuzhinën nordike me një qasje të vetë-qëndrueshme ndaj gastronomisë, duke i shërbyer produkteve vendase në sezon dhe kombinime interesante shijesh. Në menunë e Rexhepit, mund të gjeni gjithçka, nga kone pishe të ngrënshme deri te ragu i mishit të drerit e deri te marigoldi krokan me salcë viski dhe të verdhë veze.
Edhe pse restoranti po mbyllet, filozofia e tij gastronomike vazhdon. Nga viti 2025, Noma do të shndërrohet në një kuzhinë testimi kushtuar inovacioneve ushqimore, zhvillimit të shijeve dhe produkteve të reja. Puna do të kryhet nën linjën Noma Projects, e cila do të përfshijë gjithçka nga prodhimi i salcave të fermentuara, organizimi i kurseve të gatimit e deri tek ngritja e platformave online për edukimin e shefave të kuzhinës.
“Qëllimi ynë është të krijojmë një organizatë të përhershme dedikuar punës revolucionare në ushqim, por edhe të ripërcaktojmë themelet për ekipin e restorantit, për të krijuar një vend ku mund të mësoni, të rrezikoni dhe të rriteni”, shkroi ekipi Nome në faqen e tyre të internetit. Janë planifikuar gjithashtu pop-up-et e Noma -s në Danimarkë dhe në mbarë botën. Në Hotelin Ace Kyoto në Kioto, Japoni, për shembull, Noma Kyoto do të jetë i hapur nga 15 mars deri më 20 maj 2023 dhe të ftuarit do të mund të shijojnë specialitete nordike të bëra nga përbërësit e mbledhur nga peshkatarët, fermerët dhe gjuetarët vendas.
